ٺوڙهه/ ٽڪڻ: جيتوڻيڪ عامل طبقي جا سامايل لوهاڻا پنهنجو مٿو ڪوڙائڻ ضابطي کان معاف يا آجو ڪوٺين ٿا، پر اهي پنهنجي مرد ٻارن جا مٿا مناسب عقيدت سان، تيرهن ورهين جي ڄمار ٿيڻ تي ڪوڙائين ٿا، هنن کي ’منڻ‘ سڏيو وڃي ٿو ۽ وري ٽن ورهين تي ٺوڙهه ڪرائيندڙ ٻار کي پڻ ’منڻ‘ چيو وڃي ٿو. ماءُ طرفان ڪنهن وچن يا ساک جي پوئواري لاءِ اهو عمل ڪنهن به ڄمار ۾ ٻيهر ورجائي سگهجي ٿو، اها رسم عام طور مائٽن جي پوڄا واري جاءِ تي ڪئي وڃي ٿي، پر جيڪي ماڻهو ’درياپنٿي‘ نه آهن، سي به اڏيري لال ۾ يا وري سنڌو درياهه جي ڪنڌيءَ تي اها رسم نڀائين ٿا. ڪڏهن ڪڏهن اهو عمل ’دسڙي جي تهوار‘ تي ڪنڊيءَ جي وڻ هيٺ ڪيو وڃي ٿو، پر انهيءَ جي معنيٰ منجهيل آهي. آيل مهمان ڪجهه گهور جيڪا حجم کي ڏيندا آهن. جهنڊ لهرائڻ کان پوءِ ٻار کي اشنان ڪرائي، نئين پوشاڪ پارائي وڃي ٿي، انهن رسمن جي پورائيءَ ۾ ڀاڱو وٺندڙ برهمڻ کي ڪجهه ”دان يا اجورو“ ڏنو وڃي ٿو.